ـ فهرمانڕهوایی دهستووریی Constitutional government

ههرچهنده ئێمهی لیبرال باوهڕمان به گرنگی فهرمانڕهوایهتی ههیه، بهڵام هاوکات مهترسیشمان له دهسهڵاتی ئهو فهرمانڕهوایهتییه ههیه. حکومهت خاوهن هێزه و دهتوانێ ههڕهشه له ئازادیی و مافهکانی مرۆڤ بکات. گشت فهرمانڕهوایهتییهک مهترسی ئهوهی لێدهکرێت که ببێت به دهسهڵاتێکی زهبردهستی (استبدادی) دیکتاتۆریی چهوسێنهرهوه. جا بۆ رێنهدان به گۆڕانی نهگهتیڤ و سهرههڵدانی فهرمانڕهوایی زهبردهست و نادیموکرات، لیبرالیزم باوهڕی به دهسهڵاتێکی به یاسا بهندکراو ههیه. بۆیه له رێگهی داڕشتنی دهستوورێکهوهدهبێ سنووری دهسهڵاتی لێپرسراوان و دامودهزگاکانی دهوڵهت و فهرمانڕهوایهتی دیاریبکات. بهکورتی دهتوانین بڵێین که لیبرالیزم له رێی دهستووره حوکمی حکومهت دهدات به دهستی میللهت.

له دیدی ئێمهی لیبرالهوه، له پراکتیکدا، دهبێ به سێ شێوه سنوور بۆ دهسهڵاتی دهوڵهت دابندرێت.

یهک ـ له رێی سنوورنامهیهکی یاسایی سهربهخۆوه، واته له رێگهی ئامادهکردنی بهڵگهنامهیهکی یاساییهوه که ئهرک و سنووری دهسهڵاتی دهوڵهت و فهرمانڕهوایی دیاریبکات. دهستووری زۆربهی دهوڵهته لیرال دیموکراتهکانی جیهان لهم بابهتهن.

دوو ـ له رێگهی سانسۆر و کۆنترۆلی ناوخۆییهوه. ئهنجامدانی ئهم ئهرکه پێویستی بهوهیه که دهسهڵات له یهکدهزگادا کۆنهکرێتهوه. دهسهڵات دهبێ بهسهر چهند دهزگایهکدا دابهشبکرێت. دهسهڵاتی بهڕێوهبردن، و دهسهڵاتی یاسادانان و دادگای باڵای دهوڵهت دهبێ بکرێن به سێ دهگا و دهسهڵاتی سهربهخۆ و له یهک جودا.

سێ ـ دهوڵهت دهبێ فیدرال بێت و دهسهڵات له ناوهنددا کۆنهکاتهوه، بهڵکو دهسهڵات دهبێ بهسهر گشت وڵاتهکهدا دابهش بکرێت.