ئۆرکانیزاسیۆنمان ئێمه دهوێرین جیاوازبین و شانازی بهوهوه دهکهین که لهوانه نین که بهدوای مێژوودا رادهکهن. ئێمه بهشێکین له خودی رۆژگارهکه
مێژووی پارتی لیبرالی کوردستان ــــــــــــــــــــــــــــــــــــــــــــــــــــــــــ پ ل ک لهلایهن کاک ئهنداز حهوێزیهوه دامهزرا. له ناوهندهکانی 2003 بۆ یهکهم جار، کاک ئهنداز بیرۆکهی دامهزراندنی پارتێکی لیبرالی راگهیاند. له پایزی ههمان ساڵدا پهیرهو و پروگرامی پ ل ک نووسییهوه و له سایتێکی تایبهتدا بۆ ماوهی یهک ساڵ بڵاویکردهوه. له نیوهی یهکهمی 2004، که پ ل ک تهنها 4 ئهندامی ههبوو و ههرچواریشیان له ئۆروپابوون، بڕیاری چوونهوه بۆ کوردستان درا. پاش 6 مانگ کارکردن له کوردستاندا. سهرکهوتووانه توانرا 8 گرووپی کار دامهزرێندرێت. له 1/11/2004 دامهزراندنی پارتی لیبرال دیموکراتی کوردستان pldk راگهێندرا. له 050120 ناوی پارتهکه گۆڕا بۆ پارتی لیبرالی کوردستان PLK. ئهمڕۆ پ ل ک جگه له کوردستان له چهندین وڵاتی ئۆروپا و ئهمریکا و کهندا. لایهنگرو ئهندامی ههیه. پ ل ک وهک پارتێکی رامیاریی، ئامانجی نییه که ژمارهی ئهندامانی زۆربێت. بهڵکو دهیهوێ نوێنهرایهتیی وێست و ئارهزووی تاکی کوردستانی بکات. بۆیه پارتێکی گونجاوه بۆ ئهوانهی که شارهزای تێزهکهن و باوهڕیان به لیبرالیزم ههیه، و ئامادهن چالاکانه کار بۆ جێگیرکردنی بنچینهکانی و مسۆگهر کردنی مافهکانی تاک له کوردستاندا بکهن.	ئۆرگانیزاسیۆنی پ ل ک کۆمهڵه سهرهکیترین رێکخراومان کۆمهڵهیه. ئهرکی کۆمهڵهکان بریتییه له بڵاوکردنهوهی پهیامی پ ل ک، بهڕێوهبردنی کاروباری رێکخراو و نواندنی چالاکی کۆمهڵایهتی. ههروهها پ ل ک کۆمهڵه له وڵاته کوردستانی نشینهکانی ههندهران دروستدهکات. کۆمهلهکان سهر به کۆمیتهیهک دهبن که بهناوی خودی وڵاتهکه دهناسرێت. کۆنگره بهرزترین ئۆرگانی (پ ل ک) یه. کۆنگره چوار ساڵ جارێک، بۆ ماوهی ههفتهیهک، به بهشداریی ئهندامانی سهرهکیو جێگری ئهنجومهنهکانو کۆمیتهکانو نوێنهرانی کۆمهڵهکان و ههرێمهکان پێکدێت. ئهرکهکانی کۆنگره: 1 ـ راپۆرتی ئهنجومهنی بهڕێوبردن ههڵدهسهنگێنێو بڕیاری لهسهر دهدات. 2 ـ بهرنامهو پهیڕهوی ناوخۆی پ ل ک پهسهند دهکاتو ئهگهر پێویست بوو دهسکاریان دهکات. 3 ـ رێبازی گشتییو رهوتی کاری پ ل ک بۆ 4 ساڵی داهاتوو دیاریدهکات. 4 ـ ههڵوێست بهرانبهر بهو سهرنجو پێشنیارانه وهردهگرێت که لهلایهن ئهندامانهوه پێشکهش دهکرێن. 5 ـ ئهندامانی سهرهکیو جێگرانیان بۆ ئهنجومهنی بهڕێوهبردن ههڵدهبژێرێ. 6 ـ گوته بێژی پ ل ک ههڵدهبژێرێت. 7 ـ سکرتێری پ ل ک ههڵدهبژێرێت. 8 ـ ئهندامانی بهڕێوهبهرایهتی دارایی پ ل ک ههڵدهبژێرێت. ئهنجومهنی بهڕێوهبردن له ماوهی نێوان دوو کۆنگرهدا ئهنجومهنی بهڕێوهبردن که له 35 ئهندام بێکدێت، بهرزترین ئۆرگانی بهڕێوهبردنی کاروباری ڕێکخراوه. ئهنجومهنی بهڕێوهبردن کاروباری پ ل ک به پێی پهیرهوو پروگرامو راسپاردهکانی کۆنگره بهڕێوهدهبات. ئهنجومهنی بهڕێوهبردن خاوهن چهند کۆمیتهیهکی کارگوزار (تهنفیزیی) و کۆمیسیۆنێکی راوێژکارانه دهبێت. ا ـ کۆمیته راوێژکارهکانی بواره رامیاریهکان، بواره کۆمهڵایهتیهکان، بواره ئابووریهکان: ههر یهکێ لهم سێ کۆمیتهیه له 10 ئهندامی پسپۆر پێکدێت. ئهم کۆمیتانه له سهر داوای ئهنجومهنی بهڕێوهبردن لێکۆلینهوهی تایبهت به بابهته داواکراوهکان ئامادهدهکهن. ب ـ کۆمیسیۆنی پروگرام: له 10 ئهندامی پسپۆر پێکدێت. ئهم کۆمیسیۆنه بهردهوام خهریکی دادو ستانو شیکردنهوهو لێکۆڵینهوهی ئایدیۆلۆجی دهبێت، به مهبهستی نۆژهنکردنهوهی پهیرهوو پروگرامی پ ل ک. پ ـ کۆمیسیۆنی نۆژهنکردنهوه: له 10 ئهندامی پسپۆر پێکدێت. ئهم کۆمیسیۆنه له رێگهی لێکۆڵینهوهو راپرسیی بهردهوامهوه پێشنیاری تایبهت به نۆژهنکردنهوهی رامیاریی پ ل ک پێشکهش به ئهنجومهن دهکات. راسپاردهکانی ئهنجومهنی بهڕێوهبردن، لهلایهن چهند کۆمیتهیهکی کارگوزارهوه بهئهنجام دهگهیهندرێن. 1 ـ کۆمیتهی کاروباری رامیاری. 2 ـ کۆمیتهی کاروباری کۆمهڵایهتی. 3 ـ کۆمیتهی کاروباری ئابووری. 4 ـ کۆمیتهی پهیوهندیه کوردستانیهکان. 5 ـ کۆمیتهی پهیوهندیه جیهانیهکان. 6 ـ کۆمیتهی هاوسانی. 7 ـ کۆمیتهی دادگوزارییو مافی مرۆڤ. 8 ـ کۆمیتهی پهروهردهو زانست. 9 ـ کۆمیتهی هونهرو وێژه. 10 ـ کۆمیتهی راگهیاندنو مێدیا. 11 ـ کۆمیتهی ژینگه. 12 ـ کۆمیتهی تهندروستیی . 13 ـ کۆمیتهی خوێندکاران. 14 ـ کۆمیتهی لاوان. 15ـ کۆمیتهی رێکخستن. ئهنجومهنی پیران: 1 ـ ئهو ئهندامانهی ئهنجومهنی بهڕێوهبردن که کۆتایی به ماوهی کاریان دێت، راستهوخۆ دهبنه ئهندامی ئهنجومهنی پیرانی پ ل ک. ئهنجومهنی پیران، ئهنجومهنێکی راوێژکاره بۆ ئهنجومهنی بهڕێوهبردن و کۆمیته کارگوزارهکان. بهڕێوهبهرایهتی دارایی: کۆنگره 3 ژمێریارو 3 جێگر ههڵدهبژێرێت بۆ بهڕێوهبردنی کاروباریی دارایی پ ل ک. ژمێریاران کۆنترۆلی خهرجی ئهنجومهنهکانی بهڕێوهبردنو کارگوزاریی و بودجهی پ ل ک دهکهن.
پ ل ک له قۆناغی سهرهتایدا. ئۆرگانیزاسیۆنی پ ل ک ئهمرۆ بریتییه له یهک گوتهبێژی سهرهکیو دوو دهستهی ئامادهکاریی (دهستهی کوردستانو دهستهی ههندهران). ههر یهکێ لهم دهستانه 30 تا 50 ئهندامی دهبێت. ههردوو دهسته راستهوخۆ به گوتهبێژی سهرهکییهوه، که بهڕێوهبهری پ ل ک یه تا کۆنگرهی داهاتوو، پهیوهندن. ئهرکهکانی ئهم گروپه سهرهتاییه بریتین له: 1 ـ راگهیاندنی پهیامی پ ل ک له ناوهوهو دهرهوهی وڵات. 2 ـ ههنگاو به ههنگاو دروستکردنی کۆمهڵهو کۆمیتهو کۆمیسیۆنو ئهنجومهنهکانی پ ل ک. 3 ـ بهردهوام چاکترکردنی پهیڕهوو پرۆگرامو دهزگاکانی پ ل ک.
پهیڕو و پروگرامی پ ل ک. ئاشکرایه لای شارهزایان، که لیبرالیزم خاوهن چهندین قوتابخانهیه. پ ل ک له داڕشتنی پهیرهو و پروگرامیدا بیری له نوێنهرایهتی قوتابخانهیهکی تایبهت نهکردۆتهوه. بۆیه تهرحی ئێمه، تهرحی بهر له ههموو شتێک بهرنامهو بۆچوونی پارتێکی رامیارییه که دهیهوێ له کوردستاندا خهبات بۆ دابینکردن و مسۆگهرکردنی مافهکانی تاک و جێگیرکردنی بنچینهکانی لیبرالیزم بکات. پ ل ک کۆمیسیۆنیکی تایبهتی ههیه به ناوی کۆمیسیۆنی پروگرام. ئهم کۆمیسیۆنه بهردهوام خهریکی دادوستانو شیکردنهوهو لێکۆڵینهوهی ئایدیۆلۆجی دهبێت، به مهبهستی چاکترکردنوو گونجاوترکردنی پهیرهوو پروگرامی پ ل ک. تکایه بۆ راگهیاندنی بۆچوون و سهرنجی تایبهت به پهیڕهوپروگراممان بهم ناونیشانه program@pldk.org نامه بۆ کۆمیسیۆنی پروگرام بنێره. ههروهها پ ل ک کۆمیسیۆنێکی ههیه به ناوی نۆژهنکردنهوه، ئهم کۆمیسیۆنه له رێگهی لێکۆڵینهوهو راپرسیی بهردهوامهوه پێشنیاری تایبهت به نۆژهنکردنهوهی رامیاریی پ ل ک پێشکهش به ئهنجومهن دهکات.
ئهندامهتی: پ ل ک پارتێکه که له تهمهنی 16 ساڵییهوه دهتوانی چالاکانه کاری تێدا بکهیت. پێش ههنگاونان بهرهو ئهندامهتی، و تا بزانیت ئایا ئهم پارته بۆ تۆ دهشێت یاخود تۆ بۆ ئهم پارته دهشێت ، گهلێ گرنگه که پهیرهو و پروگرامی پ ل ک بخوێنیتهوه و تێیبگهیت و بهچاوێکی رخنهگرانه ههڵیسهنگێنیت. تێگهیشتن و لێکۆڵینهوه و ههڵسهنگاندن سهرهکین بۆ گهیشتن به بڕیاری دروست. بهر له داواکردنی ئهندامهتی، گهر پرسریار یاخود سهرنجت ههبوو پهیوهندیی به name@pldk.org بکه. داواکاریی ئهندامهتی: داواکاریی ئهندامهتی به دوو شێوه دهکرێت. 1 ـ پڕکردنهوهی فۆرمی ئهندامهتی. 2 ـ له رێی E-mail. له سهرووی نامهکه دهنووسی (داواکاریی ئهندامهتیی). له نامهکهدا دهبی ناوی تهواو، ئهدرێس، تهلیفۆن، e-mail و زانیاری تهواو له بارهی پلهی خوێندهواریی و پیشهوه بنووسیت. ئهندامانی پ ل ک دهتوانن ئهندامی چالاک بن یاخوود سست. له کاتی پهیوهندی کردن به پ ل ک پێمان راگهێنه چ جۆره ئهندامهتییهکت دهوێت، چالاک یاخود سست. ئهندامه چالاکهکان ئهرکی ناو کۆمهڵهو کۆمیتهکانیان پێ دهسپێردرێت.