توانای کشتوکاڵیی کوردستان، سامانێکی ئابووری نه‌ته‌وه‌یی فره‌ گرنگه‌. بۆ چاکترین شێوه‌ سوود وه‌رگرتن له‌م سامانه‌ به‌ گرینگی ده‌زانین که‌ :

ـ ناره‌وایی رژێمه‌ داگیرکه‌ره‌کانی کوردستان له‌ بواری دابه‌شکردن و موڵکداریی زه‌وییه‌وه‌ به‌ شێوه‌یه‌ک چاره‌سه‌ر بکرێت که‌ به‌رژه‌وه‌ندی هه‌موو مرۆڤێک بپارێزێت.

ـ پترکردنی به‌رهه‌می کشتوکاڵیی له‌ رێگه‌ی میکانیزه‌کردن و به‌کارهینانی شیوه‌ی زانستیی بۆ به‌رهه‌مهێنان.

ـ ژیاندنه‌وه‌ و بایه‌خدان به‌ سه‌رچاوه‌ ژێرزه‌مینییه‌کان، ئاو و لێواره‌کان، له‌وه‌ڕگه‌کان و داڕشتنی به‌رنامه‌ی به‌راوه‌کان و هه‌ڵبه‌ستنی به‌ربه‌ند.

ـ یارمه‌تیدانی وه‌رزێڕان بۆ کڕینی ئامرازی پێشکه‌وتوو، و دابینکردنی قه‌رزی درێژماوه‌ و که‌م سوود.

ـ په‌یداکردن و دابینکردنی بازاڕی ناوچه‌یی و جیهانی بۆ به‌رووبوومی جوتیارانی کوردستان.

ـ بیمه‌کردنی وه‌رزێڕان به‌رانبه‌ر به‌ کاره‌ساته‌ سروشتییه‌کان و پێشهاته‌کانی کارو نه‌خۆشیی و پیریی.

ـ بۆ گه‌شه‌پێدانی ئاژه‌ڵداریی، ده‌بێ پێشکه‌وتووترین شێوه‌کانی ئاژه‌ڵداریی فێری ئاژه‌ڵداران بکرێت و پێداویستی ته‌کنیکی و له‌وه‌ڕگه‌یان بۆ ئاماده‌بکرێت.